Состанок на групата на скопскиот аеродром во 04:40 часот. Полетување кон Париз во 06:40 часот со директен лет на авиокомпанијата Wizz Air. Пристигнување на аеродромот Буве (Beauvais) во 09:45 часот. По пасошка и царинска контрола следува трансфер и сместување во хотел. Слободно време за одмор а во попладневните часови пешачки разглед на Париз со локален водич (со доплата).По завршување на разгледот следуваат индивидуални прошетки и враќање во хотел.Ноќевање.

Појадок во хотел. По појадокот можност за факултативна посета на еден од најбогатите светски музеи Лувр,кој 700 години бил резиденција на француските кралеви, се до нивната преселба во Версај. Овде се наоѓаат околу 65.300 уметнички дела меѓу кои и познатата Мона Лиза.По завршување на посетата на Лувр , слободно време а во попладневните часови можност за посета на Ајфеловата кула и уживање во неверојатната панорамска глетка од третиот кат на ова уникатно архитектонско издание. По посетата на Ајфеловата кула предлог Крстарење по Сена, со времетраење од 1 час и можност да ја почуствувате магијата на Париз од различна преспектива. Слободно време за индивидуални прошетки. Враќање во хотел со метро. Ноќевање.

Појадок во хотел. По појадокот предлагаме факултативна посета на величествениот дворец Версај или за оние што сакаат повеќе забава – Дизниленд. Версај е изграден од францускиот крал Луј XIV кој претставува ремек – дело на уметноста од 17-ти век. (во разгледот не се вклучени градините). Враќање назад кон Париз. Дизниленд е најпознатиот забавен парк кој се состои од два одделни делови, Дизниленд парк и Дизниленд студио.Во паркот се сместени многу атракции како за помладите така и за нивните родители, возови, замок од бајките, куќа на стравот, брод за крстарење, летачки и вселенски бродови, гусарски пештери и многу други атракции.Дизни студиото е помало и во него се наоѓаат сите атракции поврзани со играните филмови. Исто така има и кино.Посетата на Дизниленд е индивидуална, со РАР.

Појадок во хотел и одјавување. Организиран трансфер до аеродромот Буве (Beauvais). Полетување кон Скопје во 10:30 часот со директен лет на авиокомпанијата Wizz Air. Слетување во Скопје во 13:10 часот.