Градот што никогаш не спие Истанбул, Турција е преполн со дискотеки и ноќни клубови, какви што нема на друго место.

За разлика од популарните верувања, локалното население тука многу често се забавува и тоа многу подобро од нас. Возбудата од ноќниот живот во Истанбул е неспорно најдоброто искуство што некогаш ќе го имате.  Ако сакате доцни ноќни забави Истанбул ќе ги исполни Вашите очекувања, па кога веќе сте во план да го посетите Истанбул направете го тоа како што го прават младите од локалното население. Гласна музика, неонски светла и забава покрај море е она што можете да го очекувате од ноќните клубови во Истанбул.

Доколку сте заинтересирани, еве еден мал список на дискотеки низ кои ќе успеете да ѕирнете во величината на ноќниот живот во Истанбул. И верувале или не, ноќниот живот во Истанбул е еден од најдобрите.  Ова се неколку места што мора да ги видите за да ја искусите забавата во Истанбул во целост:

Reina Club Istanbul

Reina стана една од најпрестижните забавни  места не само во Турција , туку и во светот. Преземајќи ги најелитните брендови за ресторани, Reina го продолжи својот успех во рамките на секторот за забава и е совршен домаќин на домашни и меѓународни забави подеднакво. Позната преку границите, Реина  не само што е позната како место за забава, туку стана и туристичко жариште, како и точка на средби на меѓународни државници, место каде што бизнисмените потпишуваат договори вредни милијарди долари и каде светските ѕвезди уживаат во своите оброци и забави. Погледот  кон Европа од едната страна и кон Азија од другата страна е навистина уникатен. На ова додадете ја силуетата на Истанбул со нејзините историски градби и неговиот прекрасен мост  Фатих Султан Мехмет и имате совршен хоризонт додека уживате во Вашиот пијалок.

360 Istanbul

Е познат roof – top ресторан, бар и ноќен клуб сместен во станбена зграда од 19 век со поглед на старата амбасада во Бејоглу на познатата улица Истанбул. Тој нуди поглед  кон Истанбул од 360 степени. Исто така, отворен е и за ручек и вечера, нудејќи пресврт на модерното турско мезе споено со интернационална кујна и ексклузивен избор на вино. По полноќ 360 Истанбул се претвора во ноќен клуб.

Beat Istanbul

Атрактивна точка на ноќниот живот во Бејоглу веќе деценија, со нивната достапна услуга и диџеијски настапи 24/7  ако сакате да уживате и танцувате 24/7 Beat Istanbul е вистинското место за Вас. Beat Club нуди 3 ката и 2 сцени кои Ви овозможуваат музика и атмосфера по Ваш избор за танцувачко искуство до зори.

Ruby

Руби е клуб во Ортакој со атмосфера што го одзема здивот, заслепувачки поглед на Босфор и уникатни вкусови. Руби е отворен секој ден во 17:00 часот и ви ветува сосема ново забавно искуство. Вечерите во Руби се одлични и можете да уживате во уникатно клубско искуство покрај Босфор во крајбрежна градина.

Babylon Istanbul

Babylon Истанбул ги отвори своите врати во 1999 година дизајниран како повеќенаменски центар за изведба и е водечко место за музика во живо во Турција.

За време на викендите се поставуваат врвни меѓународни имиња од џез, латино, бразилската музика, реге, инди поп, рок, светска музика, како и широк  електронски спектар. Локалните бендови излегуваат на сцената во работните денови. Babylon не само што е првиот клуб во Истанбул, туку е и првиот објект со професионално дизајниран звучен систем кој обезбедува продолжено звучно искуство.      

MiniMuzikhol

MiniMuzikhol иако е мало место  ги крши сите правила на сцената во ноќниот живот во Истанбул. MiniMuzikhol е лансиран да им помага на оние старите добри лишени души кои сакаат да искусат некоја субкултура од прва рака и нуди нова алтернатива на традиционалните места на ноќниот живот во Истанбул.

The Tower Pub

Неверојатен паб, на само неколку чекори од кулата Галата, местото е пријатно, со одлична музичка селекција, персоналот е прекрасен и пријателски настроен, доколку сакате да излезете на пиво со друштво ова е местото за Вас.

Peyote Club

Ако сакате техно, дабстеп, рок… ова е местото за Вас. Секој викенд  овој клуб Ви нуди загревање со помлад даб – степ диџеј, а потоа тапани и силен бас за на крај вечерта да заврши со техно. Секако некои денови можете да наидете  и на рок музика, во зависност од програмата на клубот.

Kadikoy Sokak

Во најубавата улица во Истанбул, кадешто има многу локални ресторани и кафулиња и којашто е место за добра книга и кафе или пак добар шопинг, ќе се изненадите кога ќе наидете на овој ноќен клуб каде забавите траат до доцните часови и музиката е добра а дури и да го посетите сами сигурно ќе наидете на добро локално модерно и младо друштво.

Social Bar Jazz Pub

Сега има ново место каде љубителите на џез-музиката можат да се дружат и да слушаат квалитетна музика: Social Jazz Bar Pub. Во центарот на енергичниот Караќои. На точката каде што историјата се среќава со модерната текстура на градот.

Opera Club

Доколку сакате забава со услуга на високо ниво или пак сакате да правите приватна забава, Opera Club во Таксим е место за Вас и Вашата забава. Овде се организираат забави од секаков вид, маскенбал, универзитетски и други тематски забави. Цената за влез е просечна а местото прекрасно, посетете го нема да го заборавите!

City Lights Restaurant & Bar

Навистина вреди да се посети горниот кад од хотелот Интерконтинентал, бидејќи можете да уживате во неверојатен поглед на Истанбул, додека уживате во многу убав поглед и прекрасна вечера и сакате да се одморите од прегласната музика после напорен викенд.

Suada Club

Само да знаете дека уживате на остров помеѓу два континенти е доволно гламурозно, но да сте на плажа на овој вештачки изграден остров во Истанбул и да се релаксирате со коктели од висок ранг и да грицкате суши  додека се сончате комплетно ќе заборавите на избезумениот градски метеж .  Суада му доликува на гламурозниот Истанбул. Поставен на сред Босфор со панорамски поглед од 360 степени на Истанбул. Суада во суштина е пловечки клуб во Босфор со пловечки базен со олимписка големина. Сместена во водата кај Куручешме, палубата за пливање Суада има панорамски поглед од 360 степени на Босфор. Популарни се  забавите покрај базенот во жешките летни денови.

Поголемиот дел од ноќните клубови во Истанбул се наоѓаат во Таксим, улицата Истиклал и Галата Тунел, Бејоглу, Сисли, Бешикташ, Ортакој и Бебек од европска страна и улиците Кадикој, Џадебостан и Багдат од анадолската страна.

Најдобрите забави, музика во живо, диџеи, танцови, ќе ги најдете токму во овие ноќни клубови во Истанбул.