Тасос навистина е скапоцен камен на Егејското море. Повеќе луѓе, процентуално, се враќаат на Тасос откако веќе еднаш ќе го посетат  споредено со  кој било друг грчки остров. За оние кои не се запознаени со ова посебно место на земјата, Тасос е најсеверниот грчки остров кој се наоѓа на околу 8 километри од пристаништето Керомоти, а најблискиот град е Кавала. Тасос по површина е 12-ти остров по големина во Грција. Тасос е исто така име на најголемиот град на островот – Лименас Тасос („Пристаниште во Тасос“) Островот Тасос е познат уште од античко време. Островот е богат  со шуми, каменоломи од мермер, злато, маслиново масло и мед. Туризмот исто така станал важен за овој остров уште од 60-тите години на минатиот век, иако не на ниво на другите грчки острови.

Според митот, Тасос му го должи своето име на Тасус, син на Агенор, кој бил крал на Тир или Сидон во Азија. Кога Зевс добил облик на бик и ја украл Европа, Агенор кој бил нејзин татко им наредил на неговите четири сина  да ја бараат. Исто така им наредил да не се враќаат во родното место без неа. Така, Феникс се упатил кон југ, Силикс кон север, Кадмус залутал низ Грција и Тасос, кој според други верзии бил син на Циликс, откако патувал во далечните места, стигнал до преубавиот Тасос, каде што останал и му го дал своето име на островот.

 Друга верзија е дека Тасус бил син на Посејдон, додека според други името Тасос е расипана форма на зборот „тасос“ (шума) на праведните, исто така нарекуван Златен остров во минатото заради ископаното злато таму. Дионис го нарекувал Огигија Тасос – крајбрежје на божицата Деметра за нејзината плодност и богатство, додека според Плиниј, исто така, повремено се нарекувал Аерија и Аиртрија (етерична и успокоена).

Според друг древен мит, Тасос бил нарекуван островот на Сирени. Се вели дека тие имале толку убав глас што секој маж што ги слушал како пее, паѓал под нивната магија. Сирените потоа ќе го проголтале маѓепсаниот маж. Во познатите “Талкања на Одисеј” сирените што се обиделе да го маѓепсаат се претпоставува дека живеат во Тасос.

Со убавината и разновидноста, со многубројни одлични плажи, интересни антиквитети, живописни планински села и одлично сместување, Тасос е материјализација на претходно замислените идеи на повеќето луѓе за тоа што претставува грчки остров. Тасос има дополнителни предности на ефикасна туристичка инфраструктура, пријателски и корисни островјани и патен систем со редовни автобуски услуги на островот. Тој е еден од најпривлечните егејски острови. Тасос не е вулгаризиран од комерцијализмот и тука посетителите се почитуваат и мештаните не ги искористуваат туристите.

Во суштина Тасос има кружна форма и  има планински предел и вулканско потекло. Планината Ипсарио (Ипсарио) со висина од 1.203 метри го формира нејзиниот географски центар, а долините се густо засадени со борови, елки, костени и чинари.

Лименас е сместен на северниот брег на островите, тој претставува микс на модерни згради и археолошки урнатини. Остатоците од храмови, театри, порти, базилики и sидини среќно коегзистираат заедно со модернистичките домови, хотели таверни, кафулиња и административни згради. Центарот на античкиот град окупира крајбрежен тракт преку кој стрмните падини водат кон акрополата од чии урнатини се дава општ преглед на формата и состојбата на градовите, древна и модерна. Препорачливо е обиколка на античките бедеми, иако е потребен цврст пар чевли за пешачење!

Задржувајќи го својот просперитет низ римско и византиско време, Тасос бил купен од Франческо Гателузио пред неговото освојување од Турците во 1455 година. Околу три века подоцна му бил даден од султанот Махмуд Втори на семејството на египетскиот владетел Мехмет Али, но во 1770 г. -74 островот бил окупиран од руска флота. Во тоа време, населението на Тасос гравитирало во внатрешните села со цел да се заштити. Во 1912 година, Тасос бил повторно обединет со Грција.

Патувајќи југо-источно од Лименас, на два километри возење се стигнува до Макриамос (буквално „долг песок“) со песочна плажа, хотели и комплекси од бунгалови.

Надвор од Макриамос, на излезот од коловозот се наоѓа прекрасното покриено село Панагија, поставено на источната страна од планината Ипсарио, меѓу шумите и изворите. Назад на брегот, патот води кон Криси Амос (Златна плажа) долга плажа со хотели, ресторани, кафулиња, кревети на плажа и чадори.

Југоисточниот дел на островот има стари каменоломи во мермер, а кај Архангелос монахињите весело покажуваат каде се вели дека Свети Лука клекнал да се моли. Патот сега се врти на запад, покрај добрите плажи до Потос, каде што еден разгранет пат води кон внатрешноста преку прекрасна долина до старата планинска престолнина Теологос. Тука се наоѓаат урнатините на средновековниот замок и куќа во која се вели дека Мехмет Али поминал дел од својата младост.

Надвор од Потос е Лименарија,  втора по големина населба по Лименас. Тука кружниот пат на островите го започнува своето враќање кон Лименас преку западниот брег поминувајќи ги одморалиштата и селата Мариес, Калирахис, Сотирас, Казавити, Принос, Рахони, Агиос Георгиос и Пачис.

Но секако, Тасос својата убавина ја оправдал кај туристите како и кај мештаните благодарение на прекрасните плажи коишто никогаш не се претрупани со туристи и кадешто секогаш можете да најдете своја сопствена плажа каде што ќе уживате во недопрената природа. Но според нас, најубавите плажи на Тасос сепак се: Рајска плажа, Мермерната  плажа Салиара, Макриамос – оддалечен е 2 км од Лименас покрај источното крајбрежје, Златната плажа – оддалечена околу 40 км од Потос и 14 км оддалечена од Лименас покрај источното крајбрежје, Алики, Псили Амос, Пачис, Ла Скала – 4 километри оддалечена од Лименас во правец на Лименарија и Трипити која се наоѓа само на 2.5 км западно од Лименарија.

Омилено време за патување во Кавала е во сабота за време на големиот пазар. Оттука со траект можете да стигнете до Кавала, Лименас. Со траект, исто така, можете да ја посетите Кавала од пристаништето Принос, но патувањето од тука трае околу еден и пол час. Од Лименас трае околу еден час. И на двете пристаништа е многу лесно да се купи билети на денот на поаѓањето.

Островот можете да го заобиколите за помалку од 2 часа, бидејќи е во должина од околу 95 км и е многу пријатно искуство, особено доколку изнајмите автомобил. Особено ако си дозволите еден ден за обиколка на овој прекрасен остров, возењето околу островот може да се постигне на релаксирачки начин, уживајќи во многу застанувања на патот за истражување со одлични можности за фотографирање.

За понуди на островот Тасос кликнете OВДЕ